Carriola.Redacción.17.02.26
A festa do merengue, que cada luns de carnaval celébrase na Lameira coa organziación de “Amigos dos Rapaces”, veuse un pouco deslucida porque a chuvia persistente non colaborou moito na acelebración ainda que houbo merengues para todos e as pelexas fariñentas que están de moda neste día, tamén.
Hoxe, Martes de Carnaval que é un dos días importantes a actividade, levaranos a barriada Virxze do Carme (antigua “Suboficiales”) onde o clube
Imaxen da entrega de trofeos carnavaleiros nunha edición anterior
“Gharaboto” ten organizado un campeonato de chave no que participarán tiradores de equipos chegados de todo o entorno como é habitual. Desde as cinco da tarde irá sucedéndose a participación deste xa tradicional torneo que recupera un xogo moi popular noutros tempos.
Ludoxornadas, xogos infantis e concurso de filloas e orellas
Segundo aparece no programa, desde as cinco da tarde e ata as nove haberá “Ludoxornadas” no Museo e tamén talleres e xogos infantis na alameda con chocolatada incluida desde as seis e media, baixo a organziación do Concello.
Gañador@s do concurso do ano pasado
Ao mesmo tempo, desde as seis da tarde abrirase a recepción de filloas e orellas para participar no concurso que convoca o Ateneo Santa Cecilia. O xurado probarà as viandas, emitirá o seu veredicto e, ás oito abrirase a porta do local do Ateneo para público e participantes que coñecerán o resultado e recibirán en cada caso o premio correspondente e, entre todos, darase boca conta das filloas e orellas que quedan sobre a mesa.
Veloiro da Sardiña no Concello
A pobre sardiña está “para ir” e, no baixo do Concello, está montado o veloiro no que calquera pode pasar para testimoniar o seu pesar infinito, veloiro que se trasladarà a media tarde á alameda para que os afectados aproveiten para chorar un pouco daquela maneira e botarlle un grolo de viño cun cacho de pan de millo.
E despois, tamén á fatídica hora das oito en punto, iniciarase o Enterro da Sardiña saíndo do Palco da Música, con toda a parafernalia que lle é propia e, desde o Ateneo, anuncian que non haberá chuvia que o impida.
