Carriola.Almuinha.08.03.26
A Asociación Cultural Almuinha convoca á veciñanza a participar na concentración que terá lugar o vindeiro domingo, 8 de marzo, ás 19:00 horas, na Praza 8 de Marzo de Marín, con motivo do Día Internacional das Mulleres.
A Asociación Cultural Almuinha, baixo o paraugas da Marcha Mundial das Mulleres, convoca á veciñanza de Marín a participar na concentración que terá lugar hoxe domingo, 8 de marzo, ás 19:00 horas, na Praza 8 de Marzo, con motivo do Día Internacional das Mulleres.
Esta convocatoria pretende ser un espazo de encontro, reflexión e reivindicación para lembrar a loita histórica das mulleres polos seus dereitos e para seguir reclamando unha sociedade máis xusta e igualitaria.
Neste espazo contaremos coa voz da artista local Zeltia Irevire, que nos acompañará a todas as persoas presentes a berrar un pouco máis alto, pero non mais claro, que os dereitos das mulleres non se venden.
O 8 de marzo é unha data clave para visibilizar as desigualdades que aínda persisten e para reafirmar o compromiso colectivo coa defensa dos dereitos das mulleres.
Dende Almuinha anímase a todas as persoas a participar nesta concentración e a facer do 8M un día de reivindicación, unión e esperanza.
