Carriola.Redacción.23.05.24.
julio@carriola.es.
O salón de actos da Biblioteca Pública Vidal Pazos acolleu na tardiña de onte a segunda xornada do programa do “I Festival de Cine do Mar” que, coa colaboración do Concello e de OPROMAR, entre outros patrocinadores, desenrola o Museo do Mar de Marín que conseguiu unha notable atención popular tras a xornada inaugural na que se pudo ver a magnífica película de María Vázquez, “Matria”.
Ons como centro na xornada de onte
A sala do Museo encheuse de espectadores para presenciar a proxección do magnífico e emotivo traballo de Anxo Cabada e Antón Davila, “A última dorna de Ons”, no que se recolle de xeito maxistral unha parte da historia contada a base de breves entrevistas cos illáns, a maioría deles hoxe fora da illa, ainda que a reportaxe conta de xeito especial co famoso e entrañable mariñeiro “Cesáreo”, que aínda hoxe vive na Illa a pesar de ter quedado só tras o falecemento da sua dona hay uns anos.
Cabada e Davila presentes no acto, explicaron o sentido da súa obra e tras a proxección abreuse á participación dos asistentes algús dos cales contaron tamén as súas experiencias o que ainda fortaleceu o contido do visto na pantalla.
Un segundo éxito de imaxen do programa deste singular festival ao acercar á xente de hoxe o que foi a Illa e os seus habitantes de hay medio sáculo para atrás
Primeira mesa redonda
Pero a tarde non terminou así porque a continuación abreuse unha mesa redonda na que se falou de “Patrimonio Marítimo”, coa intervención de Antón Pousada e Xosé Vilas, do grupo cultural Ronsel de Seixo;Fernando García da A.C. Os Galos: Xaquin Fabeiro, presidente do Club Mariño A Reibosa; Ramón Collaso, presidente da Asociación Galega de Carpinteiría de Ribeira.
Cada un deles expresou o seu punto de vista con respecto á cultura tradicional das embarcacións dos nosos portos con reivindicación á hora de expresar a necesidade da recuperación no máximo posible de dita cultura tan propia nos nosos portos.
Hoxe o curtas no Ensino e segunda mesa redonda
Para hoxe, xoves, está fixado na programación como o día das proxeccións de curtas de Ensino, coas seguintes obras presentadas:
- Entroido 2022, do CEIP Carballal
- As praias de Marín, do CEIP Carballal
- Mergullo nas rías, do CEIP Carballal
- Un tesouro nas rías, do CEIP Carballal
- Mar de redes, do IES Félix Muriel
- U-los mariñeiros en Marín?, do CEIP Sequelo
- Mareas vivas de Lourizán, do CPR Sagrado Corazón de Placeres
Acto seguido, ás 20.00 horas, celebrarase a segunda mesa redonda do festival sobre o Museo do Mar de Marín, na que intervirán os membros da asociación José Antonio Pérez, María del Puerto Pérez, Xosé María Vilaboa e José Manuel Pesqueira.
Mulleres homenaxeadas polo Museo do Mar no ano 2022
Finalmente, ás 20.30 horas, proxectarase o documental Homenaxe ás Mulleres do Mar, de Lukas Santiago, na que se pon en valor a traxectoria de Carmen Abreu, Chicha Domínguez, Manuela Couso, Lina Pazos, Juana Soto, Marisa Pazos, Ana González, Concepción Santiago, Dolores Dopazo e Visitación Núñez.
O venres para os novos creadores
O venres, día 24 será a quenda da categoría de novos/as creadores/as, coa proxección das seguintes curtas a partir das 19.00 horas:
- Cantiga, de Ángela Castro
- Nostra In Mare Fortuna, de Álvaro Martínez
- Treito, de Carolina Segovia
- Dorna, de Antón Guerrero
- Vogar, de Andrea de la Iglesia
- Voltar do mar, de David Pérez-Rodrigo Santiago
Unha vez rematadas as proxeccións, a partir das 20.00 horas, Marcos Gallego, director da Mostra Internacional de Cinema Documental Mares da Fin do Mundo, un certame colaborador, que presentará a proxección de tres pezas:
- Singlando do Albán, de Tito Pérez, presentado no certame no 2021
- Atalaia/Piueiro, de Xisela Franco, mención especial do certame no 2022
- Tatuado nos ollos levamos o pouso, de Diana Toucedo, mellor película da mostra do 2022
O sábado punto e final coa Gala de clausura
O sábado a partir das 19.00 horas celebrarse a gala de clausura, na que se entregarán os premios deliberados por un xurado formado por Diego Santaclara e Diego M. Barcia, de Trece Amarillo; dous representantes do Museo do Mar, Lukas Santiago e Dani Antelo, director do John Balan Fest.
Haberá Sardiña de Ouro, Sardiña de Prata, Rodaballo de Ouro e Mención especial e proxectaranse de novo todas as curtas que resulten gañadoras.
Para clausurar o acto, ás 20.00 horas, proxectarase Carpintaría de ribeira. Fasquiando o futuro, de Agalcari
