Iago Villanueva Pérez e Martín Freire González entre os alumnos “Premios Extraordinarios” da Xunta de Galicia

 Carriola. Xunta de Galicia.16.12.24.

julio@carriola.es.

Para optar ao premio debían contar cunha nota media na etapa igual ou superior a 8,75 puntos e superar unha proba presencial específica Cada un deles recibe un galardón económico de 1.000€ e un diploma acreditativo

Dous alumnos dos institutos marinenses “Illa de Tambo” y “Chan do Monte, conseguiron sendos premios da Xunta de Galicia entre os 20 estudiantes de segundo  de bacharelato no curso 23-24. Tràtase de Iago Villanueva Pérez, do Instituto Illa de Tambo e Martín Freire González, do “Chan do Monte” dos que a Xunta de Galicia vén de recoñecer a excelencia académica, galardónque  ten como obxectivo valorar os méritos excepcionais acadados grazas ao esforzo e traballo dos estudantes, que completaron esta etapa educativa cun destacado rendemento académico.

Méritos 

Para optar ao premio, convocado pola Consellería de Educación, Ciencia, Universidades e Formación Profesional, os candidatos debían ter unha nota media igual ou superior a 8,75 puntos no Bacharelato. Ademais, os aspirantes tiveron que superar unha proba presencial que se dividiu en dúas partes:

* A primeira parte centrouse nunha análise e comentario crítico dun texto sobre un tema de carácter xeral, histórico, filosófico, científico ou literario, así como a resposta a cuestións culturais ou lingüísticas sobre un texto na primeira lingua estranxeira II cursada polo alumnado como materia común do Bacharelato.

* A segunda parte consistiu no desenvolvemento de temas, respostas a cuestións ou exercicios prácticos dunha materia de modalidade cursada polo alumnado, a elixir entre Ciencias Xerais, Matemáticas II, Matemáticas Aplicadas ás Ciencias Sociais II, Latín II, Debuxo Artístico II, Análise Musical II e Artes Escénicas II.

Cada un dos galardoados recibirá un incentivo económico de 1.000€ e un diploma acreditativo. A distinción será reflectida tamén nas certificacións académicas dos estudantes premiados.

A relación de premiados pode consultarse no seguinte cadro: