As Árbores de Marín e o Cambio Climático é o tema do coloquio desta tarde que se iniciará ás oito con entrada libre
Carriola.Informa Ateneo Santa Cecilia.22.10.21
Dentro da normalidade e regreso das actividades ao Ateneo Santa Cecilia, estamos participando da celebración do dia internacional do Cambio Climático. A nosa pretensión con estas actividades é divulgar e dar a coñecer como está afectando xa ao noso entorno natural o Cambio Climático. Cada vez con maior frecuencia asistimos a noticias sobre o aumento das temperaturas, o quecemento do planeta, a subida do nivel do mar, o adianto da floración, a caída das follas das árbores ou a aparición nas nosas latitudes de especies mariñas non habituais ou de aves que agora xa non emigran ou regresan antes do que era o seu costume.
Charla coloquio hoxe no local social
Para saber máis sobre todo isto, este venres dia 22 as 20,00 h. falará para todas as persoas que poidan asistir, o marinense Gaspar Bernárdez Villegas que vai impartir unha charla "As arbores nos parques de Marín diante do Cambio Climático".
Gaspar e un experto coñecedor da paisaxe cultural de Galicia, divulgador ambiental e coordinador do catálogo das Arbores Senlleiras de Galicia. Realizou diversas publicacións sobre o patrimonio paisaxístico e arbóreo do Parque Nacional das Illas Atlanticas e sobre AS ARBORES DO CONCELLO DE MARIN, así como habitual colaborador en diferentes programas de radio e TV. Experto coñecedor do tema que vai abordar e de gran actualidade nestas últimas semanas, polo que recomendamos a asistencia que como sempre no Ateneo é de libre acceso.
Continúaa exposición de Epifanio
Así mesmo poderán visitar a magnifica exposición "A Fauna galega diante do Cambio Climático" que nos ofrece Juan Carlos Epifanio Lemos e que permanecerá aberta ate o vindeiro dia 30.
