Carriola.Redacción.22.10.21
"O CEIP da Laxe celebrou a carreira ENKI, cita única en Galicia que naceu como unha proba lúdica, non competitiva, apta para todas as idades e condicións que, a través do xogo, promove a inclusión e a visualización de colectivos e persoas con diversidade funcional, así como o respecto e a educación na diversidade.
O CEIP da Laxe organizou a carreira de obstáculos na que o alumnado debía pasar por diferentes estacións como baile, corpo a terra, circuíto de equilibrio, carreira de neumáticos, pistolas de auga, confeti, pompas, etc., na que a diversión estivo asegurada concienciando ao alumnado sobre as diversas realidades a través de xogos abertos a todos os públicos, promovendo así valores e educando na diversidade.
As imaxes que acompañan a esta información son boa mostra do ben que o pasaron os participantes neste singular evento escolar.
