Carriola.Informa Ateneo Santea Cecilia.06.04.22
O Ateneo Santa Cecilia ten o pracer de anunciar que retoma as actividades dos Venres no Ateneo da man de Xosé Ramón Fandiño e a súa conferencia sobre a figura do intelectual e artista Isaac Díaz Pardo, baixo o título de "Isaac Díaz Pardo. Memoria do compromiso" A cita terá lugar este venres 8 de abril ás 20:00 horas no local do Ateneo (Rúa do Forno, 42, baixo).
Xosé Ramón Fandiño é un editor, licenciado en Filoloxía pola USC. Foi redactor e director da Gran Enciclopedia Gallega e Premio de Xornalismo V Centenario da Universidade de Santiago. Presidente da Fundación do Pedrón de Ouro e membro do Padroado do Museo do Pobo Galego.
Durante máis de 10 anos foi colaborador de Isaac Díaz Pardo no Instituto Galego de Información e sobre a súa figura ten participado en diversos foros e publicado numerosas monografías, entre as que cabe destacar a súa biografía, Isaac Díaz Pardo. A patria enteira na memoria (Editorial Ir Indo, 2008) e a edición e prólogo dos libros A luminosa mirada dos ollos de Isaac (2012); O ollar clarividente de Isaac Díaz Pardo (2018) e Isaac Díaz Pardo: Memoria do compromiso (2020). En 2018 comisariou a exposición Camiño Díaz Baliño e Isaac Díaz Pardo en Compostela. Con Galiza sempre no horizonte, promovida polo Ateneo de Santiago e a USC.
