Carriola. Clube Remo Ría de Marín. 26.06.22
Os marinenses presentaron a competición a seis remeiros, dous xuvenís e catro cadetes
O Clube de Remo Ría de Marín participou esta fin de semana no Campionato de España de Remo Olímpico, celebrado en Sevilla. O clube enviou a 6 remeiros, 2 xuvenís e 4 cadetes.
No campionato, dun altísimo nivel e con representación de clubes de toda España, foron as remeiras cadetes, Saioa Iglesias Domínguez e Pilar García Vázquez, as que acadaron unha mellor posición, quedando en décimo lugar na modalidade de doble scull. Trátase da derradeira proba da tempada para estas categorías, pero non para o resto de remeiros do clube, que competirán nas vindeiras fins de semana nos Campionatos Galego e de España das categorías benxamín, infantil e veteranos.
