Carriola.Redacción.19.07.22
Marín acolleu con éxito a celebración da “I Festa dos Viños da IXP Ribeiras do Morrazo” que tivo lugar do 8 ao 10 deste mes na alameda Rosalía de Castro con apoio decidido do concello que puxo a disposición das bodegas os postos nos que ofrecron os seus viños ao público que en gran afluencia acudiu á cita.
O concelleiro do Rural, Pablo Novas reuniuse onte no axuntamento cos representantes dele bodegueiros da bisbarra acollidos á IXP Ribeiras do Morrazo” para facer balance do resultado da festa que todos consideran moi ositivo falando xa de que teña continuidade no futuro.
Novas Caballero indicou a o termo da reunión que “A I Festa dos Viños da IXP Ribeiras do Morrazo cumpriu con todas as expectativas tanto das propias bodegas participantes coma do Concello pois, entre a Adega de Ardán, Os Areeiros, Viñas del Monasterio e Reboraina despacharon nos tres días que durou a feira en torno ás 600 botellas vendidas”
O máis importnte é a visibilidade
Desde o colectivo estímase que “Así a todo máis alá da venta directa, o máis importante da feira foi a enorme visibilidade que esta lle deu á IXP e ás bodegas entre a veciñanza da zona do Morrazo”.
O concelleiro asegurou que os bodegueiros quedaron moi satisfeitos e que “Quedoulles moi bo sabor de boca de cara á realización de novas edicións”. Novas indicou que desde o Concello, aportáronse as casetas, a organización, a cartelaría e promoción e a animación musical, e tamén considerou que o balance é moi positivo, para engadir finalmente. “Este é un sector importante que se debe potenciar, xa que hai unha tradición vitivinícola moi arraigada no Morrazo, que se foi perdendo co paso do tempo por non ter esa IXP e con este impulso, grazas aos adegueiros e viticultores, ponse esta semente para seguir potenciando e axudando no futuro”. O edil do PP cre que pode ser tamén unha oportunidade de fomento económico para o rural marinense.
