Carriola.Informa Pousos da Area.12.08.22
O próximo domingo 14 de agosto ás 20,30 h. a Alameda Rosalía de Castro será o escenario e a pasarela escollida por Pousos de Area para lucir as mellores galas do traxe tradicional galego.
Este proxecto que comenzaron fai varios anos, reflicte o traballo levado a cabo desde esta Asociación pola recuperación, investigación e posta en valor do noso traxe tradicional galego.
Pasarela con 26 traxes tradicionais composta por pezas antigas do século XIX así como reproducións fidedignas a partir de pezas orixinais, fotografías ou gravados, respectando os cortes, as confeccións, os adornos e aplicacións propios da época.
Poderase ver traxes de gala ou garda para os días de festa, de cotío para as labores e de ir á feira para asistir aos mercados, asi como apreciar as diferencias rexionais entre os diferentes traxes dependendo da zona e da dispoñibilidade de tecidos, tintes, mercados de venta de mantons, etc.
