Carriola.Plataforma Seixo.17.08.22
As carencias sanitarias permanecen e aínda aumentan a nivel dos Centros de Saúde e máis concretamente no de Seixo e Marín. A Plataforma veciñal que loitando pola mellora da atención neste eido convoca hoxe un acto simbólico de sinaturas en pos dunha I.L.P. a nivel galego.
A “Plataforma en defensa do Centro de Saúde de Seixo” inicia hoxe mércores a recollida de sinaturas entre as veciñas e veciños de Marín para a Iniciativa Lexislativa Popular con medidas para recuperar e fortalecer a Atención Primaria galega, cada vez máis deteriorada polos recortes da Xunta. Esta iniciativa foi rexistrada polas Plataformas territoriais, entre as que se inclúe a nosa, e os colectivos que conforman a Plataforma galega SOS Sanidade Pública
O acto simbólico de inicio, o primeiro na comarca do Morrazo e Pontevedra, será hoxe mércores, 17 de agosto, ás 10:30 diante do Centro de Saúde de Seixo onde explicaremos as medidas desta iniciativa e os puntos de recollida que haberá no concello de Marín co obxectivo principal de loitar por unha Atención Sanitaria Pública e de Calidade para todas as galegas e galegos.
