Carriola.Redacción.19.05.23
Será este sábado a partir das 17.00 horas na Finca de Briz e nela se enfrentarán os 8 clasificados nas previas realizadas en Vigo e na Coruña. Os dous gañadores viaxarán en agosto a Alicante para desputar a final estatal.
O concelleiro Hugo González anunciou o evento e quixo facer fincapé, dixo, “no apoio que queremos dar desde o Concello a programacións como os que organiza BHB Galicia, co obxectivo de que Marín tamén se convirta nun referente de programación cultural e artística para a mocidade”
Hugo González estimou que “A cultura e a improvisación urbana volverán ter unha cita imperdible esta fin de semana en Marín, coa celebración da final autonómica de freestyle na Finca de Briz a partir das 17.00 horas, que foi presentada esta mañá no Concello por parte dos organizadores de BhB Galicia e o concelleiro Hugo González”
Segundo ano consecutivo
É a segunda vez que Marín acolle unha final a nivel galego desta disciplina artística na que participarán os oito clasificados nas dúas fases previas que se celebraron en Vigo e na Coruña, aos que se suman tamén Jota e Sozat, gañadores da final autonómica o pasado ano.
Aqueles que resulten vencedores nas batallas do sábado, clasificaranse de novo para a General Rap de Alicante, que se celebra en agosto, e para os que o Concello subvencionará a viaxe ata a cidade e a estancia durante a competición estatal.
Puntuable para o FMS España
Ademais, tal e como explicaron os organizadores durante a presentación do evento, esta final puntuará para o ránking de acceso ao FMS España.
