Carriola.Partido Popuar (R).22.05.23
No Partido Popular queremos ser un referente turístico, pero non de calquera tipi. Queremos ser sostibles, que veñan desfrutarnos e desfrutar nós do noso”, declarou a actual alcaldesa e candidata á reelección polo Partido Popular.
“Marín é un paraíso. Somos un rincón do litoral cheo de historias e de enclaves fascinantes con moitas posibilidades. Queremos ser un referente turístico, pero non de calquera tipo. Queremos ser sostibles, que veñan desfrutarnos e desfrutar nós do noso”. Así explicou María Ramallo, candidata polo PP de Marín ás eleccións municipais do próximo domingo.
Ramallo lembra que grazas á xestión realizada durante este mandato, conseguíronse máis de 2 millóns de euros dos fondos Next Generation “para poder desenvolver o noso Plan de Sostibilidade Turísticano que existen algúns proxectos que se volvemos gobernar, serán unha realidade nun medio prazo”.
“Por unha banda, daremos un paso máis na recuperación ambiental do Lago Castiñeiras, coa creación de novas rutas de sendeirismo e dunha nova estación BTT”. O outro gran proxecto que se engloba dentro deste Plan é a modernización e mellora do Vial de Praias. “Conectaremos a Rúa do Forte coa entrada ao vial e actuaremos polo menos ata Mogor para crear un novo espazo renovado, con carril bici mellorado e pensado para fomentar a mobilidade sostible cara o litoral”.
