Carriola.CEIP A Laxe.27.05.23
O CEIP Plurilingüe da Laxe participa este curso no programa de formación Observa-Acción impulsado pola Consellería de Educación. Nos meses de maio e xuño desenvólvese a segunda fase a nivel autonómico, no que o centro de Marín foi seleccionado no posto 13 entre un total de 36 centros de Galicia.
Obxectivo
O obxectivo deste programa é observar a práctica docente allea para mellorar a propia e, durante a primeira fase, o equipo docente da Laxe realizou observacións no propio centro, entrando nas aulas doutras compañeiras e compañeiros para, posteriormente, reflexionar e chegar a conclusións que se verán reflectidas a nivel metodolóxico na escola.
Durante estaa segunda fase, o colexio acolleu ao CEIP Flavia de Padrón para levar a cabo unha xornada de observación dentro das aulas xunto cos asesores do CAFI e CFR de Pontevedra. Do mesmo xeito, o profesorado de Marín visitou o centro coruñés.
Este intercambio resultou moi interesante e proveitoso para ambas partes que tras dúas sesións de reflexión puideron chegar a acordos e colaboracións futuras, creando vínculos educativos entre Marín e Padrón."
