Carriola.Redaccióin.23.12.21
Arredor de dous mil quilos de alimentos destinados ás ONGs de Marín que se encargarán do seu reparto entre as familias máis necesitadas, foron o resultado da donación feita polas familias dos alumnos da maioría das escolas e institutos da localidade na campaña organizada polo concello. Unha boa maneira de concienciar ao mundo infantil e xuvenil da necesidade de colaborar cos que menos teñen
Segundo informa o Concello nunha nota, a “Semana da Solidariedade”, organizada polas ONGs coa colaboración municipal, conseguiu recoller cerca de 2.000 quilos de comida entre o alumnado da maioría dos centros educativos de Marín. Tanto o Goberno local como as asociacións, queren agradecer profundamente a colaboración a todos estes centros, entre os que están as “Galiñas Azuis” de San Pedro e de Seixo, a “EEI O Grupo”, a “EEI Nosa Señora do Carme, o CEP Sequelo, o CEIP da Laxe, o CEIP Carballal, o CEIP Seixo, o CPR Inmaculada”, o CPR San Narciso e o IES Illa de Tambo.
Ademais, as organizacións sociais da vila tamén queren destacar a importante aportación que supuxeron as chocolatadas solidarias dentro do programa de Nadal.
