Carriola.Redacción.16.05.22
Mañán será o Día das Letras Galegas e entre outors actos a ter en conta para celebrar a data festiva a todos os efectos en Galicia, o Concello de Marín fará entrega dos premios de poesía que, alternando ano a ano cos de Relato en prosa, convócanse con este motivo. Nesta ocasión o Xurado ou o Concello tardaron en dar o nome dos gañadores, en especial do premio de adultos que foi feito público aínda esta mañán.
Paula Dombarr resultou ser a poetisa elexida polo xurado composto por Ricardo Pazos Brea e Menito Piñeiro Sanjorge, como gañadora do Premmio de Poesía Concello de Marín na súa XV edición. A obra premiada leva por titulo “Mosaico de Versos” e foi presentada baixo o pseudónimo “Serunbe”. O premio ten unha coantía de mil euros.
Concurso escolar
Paralelamente o premio Concello de Marín ten a sección escolar y reproducimos a continuación a relación de premiados sen que aparezca nela a qué centros escolares da zona pertencen os rapaces e rapazas premiados
Categoría primeira - 1º e 2º de Primaria
PRIMEIRO PREMIO: "Primavera branca", de Mael Rellán
SEGUNDO PREMIO: "O meu curmán", de Adriana Cambeiro
TERCEIRO PREMIO: "A poesía máis bonita", de Aixa Farto
Categoría segunda - 3º e 4º de Primaria
DESERTA
Categoría terceira - 5º e 6º de Primaria
PRIMEIRO PREMIO: "Un neno algo raro", de Ramiro Bouzas Berride
SEGUNDO PREMIO: "Poema Morse", de Noa González
TERCEIRO PREMIO: "Veleiro poeta", de Iván Gomis
Categoría cuarta - 1º e 2º da ESO
PRIMEIRO PREMIO: "Bulling", de Anxela Portela
SEGUNDO PREMIO: "Poema de galego Xián", de Xián Gutiérrez Dopazo
TERCEIRO PREMIO: "A primavera", de Lara Arias Allariz
Entrega de premios
O acto da entrega dos premios será mañán ás doce horas no Museo Manuel Torres, acto onde deberán estar presentes os gañadores deles algúns dos cales farán lectura da obra da súa autoría.
Tras esa entrega e previsiblemente á unha da tarde, o grupo de gaitas Picuiña ofrecerá un concerto na alameda Rosalía de Castro.
