Carriola.A.Santa Cecilia.19.01.23
A sala de exposicións do Ateneo Santa Cecilia ten o pracer de recibir a obra pictórica do artista Xoán Cerviño baixo o título de PAISAXES INTERIORES. Poderemos desfrutar das súa obra acrílica dende o 24 de xaneiro ao 3 de febreiro.
Xoán Cerviño realiza numerosas exposicións colectivas e individuais ao longo dos anos, contando con críticas favorables de expertos coma: Antón Castro, Javier Maderuelo, Juan Manuel Bonet ou Tomás Paredes, entre outros.
A inauguración terá lugar o vindeiro martes, 24 de xaneiro ás 20:00 horas no local do Ateneo (Rúa do Forno, 42, baixo)
Paisaxes interiores
Segundo indica o propio autor."Estas pinturas son imaxes rescatadas da memoria... Da memoria de tantas andainas pola Baixa Ulla a as súas bocaribeiras, e polas Terras de Montes. Desas experiencias naceron estas paisaxes"
Cerviño conta cun curriculo profesional e artìstico moi importante xa que é Licenciado en Belas Artes pola Facultade de Pontevedra. Universidade de Vigo e asiste a numerosos cursos relacionados con "Arte e naturaleza" e "Coa paisaxe".
A súa obra está presente en numerosos lugares e entidades entre as que destacan:
- "EL CORTE INGLÉS ". VIGO.
- KINGSTON UNIVERSITY. LONDRES
- MUSEO DE ARTE CONTEMPORÁNEO UNIÓN FENOSA. A CORUÑA.
- COLECCIÓN BANCAIXA. VALENCIA.
- "CAJA DE MADRID ". PONTEVEDRA.
- "EL PUNTO DE LAS ARTES ". MADRID.
- CENTRO GALEGO DE ARTE CONTEMPORÁNEO. SANTIAGO DE COMPOSTELA.
- FUNDACIÓN RODRIGUEZ IGLESIAS. A CORUÑA.
- COLECCIÓNS PARTICULARES.
