Carriola.Yonathan Carreira Figueiras (*).01.02.23
Cos obxectivos de fomentar as compras nos establecementos asociados e de premiar a fidelidade dos clientes, poñemos en marcha, a partir de hoxe, día un de febreiro, a décimo quinta edición da Campaña Estrela.
A dinámica da campaña é moi sinxela. Polas compras efectuadas, os clientes recibirán unha tarxeta que contará con tres recadros en branco por un lado e cun apartado para os datos do cliente polo outro. Nestes recadros, cada establecemento selará (unha única vez en cada tarxeta) no momento de realizar a compra ou o consumo por parte do cliente. Unha vez que o cliente complete a tarxeta cos tres selos de outros tantos establecementos e cos seus datos persoais, deberá depositala na urna sita na sede social para poder participar no sorteo.
Yonathan Carreira
Nesta edición sortearanse 7 vales - compra por importe de 150 €, un cada mes, desde o mes de febreiro ata o mes de novembro deste ano, vales que se canxearán nos tres establecementos que selen a tarxeta premiada, a razón de 50€ en cada un.
Club de fidelización Comercio do Morrazo
Ademáis, aqueles clientes que resulten agraciados no sorteo, se forman parte do club de fidelización “Comercio do Morrazo, incrementarase o seu premio noutros 50€, que se ingresarán na súa tarxeta de fidelización.
Nesta edición da campaña, participan máis de 130 establecementos de todos os sectores comerciais e de servizos da vila, que están identificados co cartel da campaña.
Agradecemento
Desde o colectivo comercial queremos agradecer a colaboración de La Caixa, do Concello de Marín e da Xunta de Galicia para a realización desta campaña promocional que beneficiará ao comercil da localidade..
(*)Yonathan Carreira Figueiras é o Xerente Asociación Centro Comercial Local Estrela de Marín
