Carriola.Redacción.10.12.22
Este curso foron beneficiarios do programa Digitalweek, un programa de inmersión lingüística que lle permite mellorar as súas destrezas de comprensión e expresión oral en lingua inglesa. Así mesmo, conta con actividades e accións formativas non só académicas senón de fomento da actividade física, a socialización, o coñecemento cultural e tecnolóxico do contexto galego cunha metodoloxía adecuada á 6ºEP.
En xuño, programa Springweek
Este mesmo alumnado no mes de xuño poderá desfrutar do programa Springweek promovendo así a práctica oral do alumnado en lingua inglesa co apoio de profesorado nativo e co obxectivo de fomentar a convivencia. O centro é dende o presente curso plurilingüe e plurinfantil co fin de impulsar a lingua inglesa.
A radio está presente no traballo escolar na Laxe
Metodoloxía activa
A Laxe persegue liñas metodolóxicas activas que son postas en marcha coa súa impresionante biblioteca, a radio escolar, o programa de biblioteca creativa, os contratos-programa, Digicraft, PROA+, Voz Natura, Club de ciencia, Erasmus+… e un dos máis recentes foi Polos creativos, unha gran aposta na que están a traballar para poñelo ao servicio da comunidade educativa.
Promover hábitos saudables
Con todo isto promoven os hábitos saudables, en educación primaria a través do calendario de merendas de froita diaria e do actívate, levando a cabo quince minutos diarios de exercicio físico a maiores das clases correspondentes. En educación infantil todos os días realizan unha sesión de trinta e cinco minutos de psicomotricidade, saben os beneficios dunha vida activa e o poñen en marcha ofrecendo ao alumnado unha vida sá e un coñecemento actual co fin de desenvolver ao máximo o seu potencial.
Un profesorado implicado e motivado
O profesorado que traballa neste centro, síntese e demostra estar estár implicado e motivado, en continua formación para poder levar todos estes recursos e programas ás aulas, ou mellor dito, as aulas a todos estes espazos creados para a mellora das capacidades do alumnado.
En suma , o CEIP de A Laxe atópase na liña de ofrecer aos seus alumnos actuais e futuros o compromiso do mellor sistema de traballo que os faga crecer axeitadamente nos niveis que por idade lles corresponde como lanzadeiras para futuras etapas da súa vida educativa
