Carriola.SEI S.Narciso.03.04.24.
julio@carriola.es.
Na xornada de onte recalou en Marín, no Colexio SEI San Narciso a flamante dramaturga, autora de literatura infantil e actriz galega, Paula Carballeira, nunha actividade que contaba coa colaboración da Editorial Galaxia e que, ademais de ter un encontro cos seus lectores e lectoras, aproveitou para gravar unha serie de intervencións para a presentación da Mostra de Teatro de Ensino Secundario do Morrazo que neste mes de abril terá lugar no mesmo centro.
Carballeira firmando exemplares dos libros
Paula Carballeira, unha autora coñecida e galardoada como contacontos e autora de literatura xuvenil e infantil, ten tamén unha notable produción de literatura para adultos. A esa faceta respondeu durante o encontro que cos alumnos/as de 1º e 2º da ESO que se realizou na primeira parte de mañá. O alumnado que esperaba ilusionado pola invitada, puxo en común coa autora nesta sesión as súas conclusións tras da lectura da novela O Lobishome de Candeán. A escritora respondeu a unha morea de cuestións e detalles antes de pasar a asinar os libros.
A escritora co a dirección e profesorado do centro
Grabación
A continuación, e con alumnos/as de Bacharelato da Aula de Educación Dixital e da Aula de Teatro, gravaron o primeiro dos capítulos dunha serie de vídeopodcats que sacará á luz proximamente este equipo de traballo con motivo da próxima celebración da XXVI Edición da Mostra de Teatro de Ensino Secundario do Morrazo que ten carácter itinerante e este curso coordinará o SEI San Narciso Precisamente gravaron tamén unha intervención saúdo á esta edición da Mostra coa autora de As Alumnas, obra coa que acadou o prestixioso Premio Nacional de Literatura Dramática 2023. Lamentablemente nas datas nas que se ten previsto dita cita teatral, Paula Carballeira non poderá estar entre nosoutros por iso pensouse neste spot audiovisual para manifestar o seu apoio a tan destacada iniciativa didáctica que reunirá a centros de toda a comarca do Morrazo.
